Computer Is A Bicycle For The Mind

၂၀၂၀ ရဲ့ ကမ္ဘာ့အချမ်းသာဆုံးဆယ်ယောက်မှာ ခုနှစ်ယောက်က ကွန်ပျူတာနည်းပညာနဲ့ သက်ဆိုင်တဲ့ ကုမ္ပဏီပိုင်ရှင်တွေ။ ကိုဗစ်-၁၉ လို အကျပ်အတည်းကာလမှာတောင် အိုင်တီအလုပ်ဟာ ဆေးဘက်ဆိုင်ရာဝန်ထမ်းတွေနဲ့အပြိုင် လစာအကောင်းဆုံးအလုပ်နှစ်ဆယ်ထဲ ပါဝင်နေတုန်းပဲ။ အမေရိကန်လို နိုင်ငံမှာ Java Developer တစ်ယောက်ရဲ့ တစ်နှစ်ပျှမ်းမျှလစာဟာ ဒေါ်လာ တစ်သိန်းကျော်တယ်။


ပညာရေးနယ်ပယ်မှာလည်း အရင်ဆယ်စုနှစ်တွေတုန်းက Reading, Writing နဲ့ Arithmetic ဆိုပြီး အလေးထား ပြောဆိုနေခဲ့ရာကနေ ယခုနှစ်တွေမှာတော့ Reading, Writing နဲ့ Computing ဆိုပြီး ကွန်ပျူတာ ကျွမ်းကျင်မှု အပိုင်းကို အလေးထား ပြောဆို ဆွေးနွေးလာကြတယ်။ ကွန်ပျူတာ ပရိုဂရမ် ကျွမ်းကျင်စွာ ရေးတတ်ဖတ်တတ်နိုင်ခြင်းဟာ Maths, Science နဲ့ ​​​Engineering တွေမှာ လိုအပ်ချက်တစ်ခု ဖြစ်လာတယ်။ 


Apple ကုမ္ပဏီရဲ့ အစောပိုင်းကာလတုန်းက အင်တာဗျူးတစ်ခုမှာ Steve Jobs ကို What is computer? လို့ အင်တာဗျူးတဲ့သူက မေးတယ်။ Steve Jobs က Computer is a bicycle for the mind. လို့ ဖြေခဲ့တယ်။ ပြီးတော့ သိပ္ပံမဂ္ဂဇင်းတစ်စောင်မှာ သူငယ်ငယ်တုန်းက ဖတ်ခဲ့ဖူးတဲ့ သုတေသနစာတမ်းတစ်ခု အကြောင်းကို ပြောပြတယ်။


စားသုံးထားတဲ့ ကယ်လိုရီပမာဏပေါ် မူတည်ပြီး ဘယ်သတ္တဝါက အဝေးဆုံးထိသွားနိုင်သလဲဆိုတာကို  သိပ္ပံပညာရှင်တွေက တိုင်းတာကြတယ်။ ဥပမာ လူတစ်ယောက်ကို ကယ်လိုရီ နှစ်ထောင် ကျွေးသလို ငှက်တွေ မြင်းတွေ အစရှိတဲ့ တခြား သတ္တဝါတွေကိုလည်း ကယ်လိုရီ အညီအမျှကျွေးတယ်။ ပြီးတော့ အဝေးဆုံးသွားနိုင်တဲ့ ပမာဏကို မှတ်တမ်းယူတယ်။


အဲ့ဒီမှာ Condor ကွန်ဒိုဆိုတဲ့ငှက်က ပထမရတယ်။ လူဟာ အဝေးအသွားနိုင်ဆုံးစာရင်းရဲ့ နည်းနည်း နောက်မှာပဲ ရှိနေခဲ့တယ်။ 


လူတွေဟာ ခန္ဓာကိုယ်ရဲ့အား အသုံးပြုပြီး လုပ်ဆောင်ကြရတဲ့အလုပ်တွေမှာ တခြား သတ္တဝါတွေလို အကောင်းဆုံး စာရင်းမှာ မပါဝင်ဘူး။ ဒါပေမဲ့လည်း ဥပမာ လူကို စက်ဘီးတစ်စီးပေါ် တင်ပေးလိုက်မယ် ဆိုရင်တော့ စွမ်းဆောင်နိုင်မှု ပမာဏဟာ အဆမတန် ကွာခြားသွားတယ်လို့ Steve Job က ဆက်ပြောတယ်။


ဆိုလိုတာက လူတွေဟာ တီထွင်ကြံဆနိုင်စွမ်းရှိတယ်။ လူတွေဟာ စက်တွေ ကိရိယာတွေကို တီထွင်နိုင်ကြသူတွေ ဖြစ်တယ်။


ကွန်ပျူတာဟာ လူတွေရဲ့ တီထွင်ကြံဆနိုင်မှုကို အဆမတန် လျင်မြန်သွားစေမဲ့ စက်ပစ္စည်းကိရိယာ တစ်ခုဖြစ်တယ်လို့ ဆက်ပြောတယ်။


ကွန်ပျူတာ ပရိုဂရမ် ရေးသားခြင်း Computer Programming ဟာ ကွန်ပျူတာကို စနစ်တကျ တီထွင်ကြံဆ ခိုင်းစေနိုင်တဲ့ အရေးပါ အသုံးဝင်တဲ့ ဘာသာရပ်တစ်ခု ဖြစ်တယ်။


**********


Next : Java ဖြင့် အခြေခံ ကွန်ပျူတာပရိုဂရမ် ရေးသားနည်း - နိဒါန်း









Comments

Post a Comment

Popular posts from this blog

စာသင်ကြားရန် အသုံးပြုသည့် ဆော့ဖ်ဝဲများ

သင်တန်းတွင် စာသင်ကြားရန် အသုံးပြုသည့် ဆော့ဖ်ဝဲများကို အောက်ပါ လင့်များတွင် ဒေါင်းလုပ် လုပ်နိုင်ပါသည်။ Coding For Kids (ebook) Coding For Kids (ebook) Blockly Games Offline Version Blockly Games Offline Softera Hardware Dictionary (Windows) Softera Hardware Dictionary (Windows) Softera Hardware Dictionary (Mac) Softera Hardware Dictionary (Mac) Softera Quiz (Windows) Softera Quiz (Windows) Softera Quiz (Mac) Softera Quiz (Mac)
Read more

အခြေခံ ကွန်ပျူတာပရိုဂရမ် ရေးသားနည်း - Objected-Oriented Programming

Image
Object-Oriented Programming  Object-Oriented ဆိုတဲ့ အိုင်ဒီယာဟာ Software တွေကို modelling လုပ်ရင်းနဲ့ ထွက်ပေါ်လာတဲ့ အိုင်ဒီယာ တစ်ခု ဖြစ်တယ်။ အပြင် တကယ်လက်တွေ့လောကမှာ ကားတွေ လေယာဉ်တွေ အဆောက်အဉီးတွေ  အစရှိတဲ့အရာတွေရဲ့ တည်ဆောက်ကြတဲ့ သဘောသဘာဝကို အတုယူတာ ဖြစ်တယ်။ Intel ဟာ Intel Processor ထုတ်တယ်။ Seagate ဟာ Hard Disk Drive တွေထုတ်တယ်။ MSI ဟာ Motherboard ထုတ်တယ်။ Dell ကွန်ပျူတာဟာ Intel Processor ကို အသုံးပြုသလို Lenovo laptop မှာလည်း Intel Processor ကို အသုံးပြုကြတယ်။  Intel Processor ဟာ Object တစ်ခုဖြစ်တယ်။ Dell ကွန်ပျူတာဟာလည်း ​Object တစ်ခုဖြစ်တယ်။ Object တစ်ခုကို တခြား Object တစ်ခုမှာ ယူသုံးလို့ရတယ်။  အဲ့ဒီနည်းလမ်း Object-Oriented ဟာ Software တွေ ရေးသားရာမှာ အလုပ်ခွဲဝေ လုပ်ကိုင်ဖို့အတွက် အလွန် ကောင်းမွန်တဲ့ နည်းလမ်းတစ်ခု ဖြစ်တယ်။ Using Data Types Class တစ်ခုဖြစ်တဲ့ String ဟာ Non-primitive data type ဖြစ်သလို java.awt.Color ထဲက Color ဟာလည်း non-primitive data type တစ်ခု ဖြစ်တယ်။ String နဲ့ Color အစရှိတဲ့ class တွေကနေ String Object နဲ့ Color Object တွေ တည်ဆောက်လို့ ရတယ်။...
Read more

သင့်ရဲ့ ပထမဉီးဆုံးသော ကွန်ပျူတာ ပရိုဂရမ် (Hello, World!)

မိုင်ပေါင်းတစ်ထောင်ဝေးကွာတဲ့ခရီးဟာလည်း ပထမဉီးဆုံးသောခြေလှမ်းနဲ့ပဲ စတင်ကြရတာဖြစ်တယ်လို့ ပညာရှင် Lao TZu က ဆိုခဲ့တယ်။ ပထမဉီးဆုံးသောစက်ဘီး ပထမဉီးဆုံးကား ပထမဉီးဆုံးကွန်ပျူတာ စသဖြင့် မိမိတို့ရဲ့ ပထမဉီးဆုံး ဆိုတဲ့အရာတွေကို လူတွေ သတိရလေ့ရှိကြတဲ့အတိုင်း သင့်ကိုအမှတ်ရနေစေမဲ့ သင့်ရဲ့ ပထမဆုံး java ပရိုဂရမ်တစ်ပုဒ်ကို စတင်လိုက်ကြရအောင်။  JDK ကို install လုပ် configure လုပ်ပြီးသွားရင် သင့်ရဲ့ ပထမဉီးဆုံးသော java ပရိုဂရမ်ကို စတင် ရေးသားဖန်တီးလို့ ရပါပြီ။ JDK ကို install မလုပ်ရသေးရင် ဒီရဲ့လင့် အခြေခံ ကွန်ပျူတာပရိုဂရမ် ရေးသားနည်း- Installing and Configuring JDK ကို ဖတ်ရှုနိုင်ပါတယ်။ Java ပရိုဂရမ် တစ်ပုဒ်ကို Create, Compile, Execute ဆိုတဲ့ အချက်သုံးချက်နဲ့ ရေးသား ဖန်တီးနိုင်တယ်လို့ အရှေ့သင်ခန်းစာမှာ ဖော်ပြခဲ့တယ်။  Creating a Java file Windows OS ကို အသုံးပြုသူများက Notepad++, Mac OS ကို အသုံးပြုသူများက Sublime Text, Linux အသုံးပြုသူများက Vi ကို ဖွင့်ပြီး အောက်ဖော်ပြပါ code snippet ကို ရိုက်ပြီး HelloWorld.java ဆိုပြီး Save လုပ်ပါ။ public class HelloWorld { public static void main(String...
Read more